Al-Ala

سَبِّحِ اسۡمَ رَبِّکَ الۡاَعۡلَی ۙ﴿۱﴾

પોતાના સર્વોચ્ચ પાલનહારના નામની તસ્બીહ કરતા રહો.

الَّذِیۡ خَلَقَ فَسَوّٰی ۪ۙ﴿۲﴾

જેણે સર્જન કર્યુ અને પછી ઠીક-ઠાક કર્યો.

وَ الَّذِیۡ قَدَّرَ فَہَدٰی ۪ۙ﴿۳﴾

અને જેણે તેનું ભાગ્ય બનાવ્યું અને પછી માર્ગ બતાવ્યો.

وَ الَّذِیۡۤ اَخۡرَجَ الۡمَرۡعٰی ۪ۙ﴿۴﴾

અને જેણે તાજી વનસ્પતિઓ ઉપજાવી.

فَجَعَلَہٗ غُثَآءً اَحۡوٰی ؕ﴿۵﴾

પછી તેણે તેને (સુકાવીને) કાળો કચરો બનાવી દીધો.

سَنُقۡرِئُکَ فَلَا تَنۡسٰۤی ۙ﴿۶﴾

અમે તમને પઢાવીશુ પછી તમે નહીં ભુલો.

اِلَّا مَا شَآءَ اللّٰہُ ؕ اِنَّہٗ یَعۡلَمُ الۡجَہۡرَ وَ مَا یَخۡفٰی ؕ﴿۷﴾

તે સિવાય, જે કંઇ અલ્લાહ ઇચ્છે, તે જાહેર અને છુપી (વાતોને પણ) જાણે છે.

وَ نُیَسِّرُکَ لِلۡیُسۡرٰی ۚ﴿ۖ۸﴾

અમે તમારા માટે સરળતા પેદા કરી દઇશું.

فَذَکِّرۡ اِنۡ نَّفَعَتِ الذِّکۡرٰی ؕ﴿۹﴾

તો તમે શિખામણ આપતા રહો, જો શિખામણ લાભદાયક હોય.

سَیَذَّکَّرُ مَنۡ یَّخۡشٰی ﴿ۙ۱۰﴾

જે અલ્લાહથી ડરતો હશે, તો તે શિખામણ ગ્રહણ કરશે.

وَ یَتَجَنَّبُہَا الۡاَشۡقَی ﴿ۙ۱۱﴾

અને જે દુર્ભાગી હશે, તે તેનાથી દૂર રહેશે.

الَّذِیۡ یَصۡلَی النَّارَ الۡکُبۡرٰی ﴿ۚ۱۲﴾

અને જે મોટી આગમાં જશે.

ثُمَّ لَا یَمُوۡتُ فِیۡہَا وَ لَا یَحۡیٰی ﴿ؕ۱۳﴾

ત્યાં ન તો તે મૃત્યુ પામશે ન તો જીવશે.

قَدۡ اَفۡلَحَ مَنۡ تَزَکّٰی ﴿ۙ۱۴﴾

ખરેખર તેણે સફળતા પ્રાપ્ત કરી, જે પવિત્ર થઇ ગયો.

وَ ذَکَرَ اسۡمَ رَبِّہٖ فَصَلّٰی ﴿ؕ۱۵﴾

અને જેણે પોતાના પાલનહારનું નામ લીધું અને નમાઝ પઢતો રહ્યો.

بَلۡ تُؤۡثِرُوۡنَ الۡحَیٰوۃَ الدُّنۡیَا ﴿۫ۖ۱۶﴾

પરંતુ તમે તો દુનિયાવી જીવનને પ્રાથમિકતા આપો છો.

وَ الۡاٰخِرَۃُ خَیۡرٌ وَّ اَبۡقٰی ﴿ؕ۱۷﴾

અને આખિરત સર્વોત્તમ અને બાકી રહેવાવાળી છે.

اِنَّ ہٰذَا لَفِی الصُّحُفِ الۡاُوۡلٰی ﴿ۙ۱۸﴾

આ વાતો પહેલાના સહિફાઓમાં પણ કહેવામાં આવી હતી.

صُحُفِ اِبۡرٰہِیۡمَ وَ مُوۡسٰی ﴿٪۱۹﴾

(એટલે કે) ઇબ્રાહીમ અને મૂસાના સહિફાઓમાં.