Al-Muddathir

یٰۤاَیُّہَا الۡمُدَّثِّرُ ۙ﴿۱﴾

હે (મુહમ્મદ) જે ચાદર ઓઢી સૂઈ રહ્યા છો.

قُمۡ فَاَنۡذِرۡ ۪ۙ﴿۲﴾

ઉઠો અને (લોકોને ખરાબ પરિણામથી) ડરાવો.

وَ رَبَّکَ فَکَبِّرۡ ۪﴿ۙ۳﴾

અને પોતાના પાલનહારની મહાનતા બયાન કરો

وَ ثِیَابَکَ فَطَہِّرۡ ۪﴿ۙ۴﴾

અને પોતાના કપડા પાક સાફ રાખો.

وَ الرُّجۡزَ فَاہۡجُرۡ ۪﴿ۙ۵﴾

અને ગંદકીથી દૂર રહો.

وَ لَا تَمۡنُنۡ تَسۡتَکۡثِرُ ۪﴿ۙ۶﴾

અને વધુ પ્રાપ્તિ માટે એહસાન ન કરશો.

وَ لِرَبِّکَ فَاصۡبِرۡ ؕ﴿۷﴾

અને પોતાના પાલનહાર માટે સબર કરો.

فَاِذَا نُقِرَ فِی النَّاقُوۡرِ ۙ﴿۸﴾

ફરી જ્યારે સૂરમાં ફૂંક મારવામાં આવશે.

فَذٰلِکَ یَوۡمَئِذٍ یَّوۡمٌ عَسِیۡرٌ ۙ﴿۹﴾

તો તે દિવસ ખૂબ જ ભારે હશે.

عَلَی الۡکٰفِرِیۡنَ غَیۡرُ یَسِیۡرٍ ﴿۱۰﴾

કાફિરો માટે સરળ નહીં હોય.

ذَرۡنِیۡ وَ مَنۡ خَلَقۡتُ وَحِیۡدًا ﴿ۙ۱۱﴾

તે વ્યક્તિની બાબત મારા પર છોડી દો, જેને મેં એકલો પેદા કર્યો છે.

وَّ جَعَلۡتُ لَہٗ مَالًا مَّمۡدُوۡدًا ﴿ۙ۱۲﴾

તેને ખૂબ માલ આપ્યો.

وَّ بَنِیۡنَ شُہُوۡدًا ﴿ۙ۱۳﴾

અને દરેક સમયે હાજર રહેવાવાળા બાળકો આપ્યા.

وَّ مَہَّدۡتُّ لَہٗ تَمۡہِیۡدًا ﴿ۙ۱۴﴾

અને દરેક રીતે તેના માટે માર્ગ સરળ બનાવ્યો.

ثُمَّ یَطۡمَعُ اَنۡ اَزِیۡدَ ﴿٭ۙ۱۵﴾

પછી પણ લાલચ રાખે છે કે હું તેને હજુ વધારે આપું.

کَلَّا ؕ اِنَّہٗ کَانَ لِاٰیٰتِنَا عَنِیۡدًا ﴿ؕ۱۶﴾

આવું ક્યારેય નહીં થાય કેમકે તે અમારી આયતોથી દુશ્મની રાખે છે.

سَاُرۡہِقُہٗ صَعُوۡدًا ﴿ؕ۱۷﴾

હું નજીક માંજ તેને સખત ચઢાવીશ.

اِنَّہٗ فَکَّرَ وَ قَدَّرَ ﴿ۙ۱۸﴾

તેણે વિચાર કર્યો અને વાતો બનાવવાનો પ્રયત્ન કર્યો.

فَقُتِلَ کَیۡفَ قَدَّرَ ﴿ۙ۱۹﴾

બસ તેને નષ્ટ કરી દેવામાં આવે, તેણે કેવી વાત બનાવી?

ثُمَّ قُتِلَ کَیۡفَ قَدَّرَ ﴿ۙ۲۰﴾

પછી તેને નષ્ટ કરી દેવામાં આવે, તેણે કેવી વાત બનાવી?

ثُمَّ نَظَرَ ﴿ۙ۲۱﴾

તેણે (પોતાના સાથીઓ તરફ) જોયુ.

ثُمَّ عَبَسَ وَ بَسَرَ ﴿ۙ۲۲﴾

પછી તેણે કપાળ ચઢાવ્યું અને મોઢું બગાડ્યુ.

ثُمَّ اَدۡبَرَ وَ اسۡتَکۡبَرَ ﴿ۙ۲۳﴾

પછી ત્યાંથી જતો રહ્યો અને ઘમંડ કરવા લાગ્યો.

فَقَالَ اِنۡ ہٰذَاۤ اِلَّا سِحۡرٌ یُّؤۡثَرُ ﴿ۙ۲۴﴾

અને કહેવા લાગ્યો કે આ તો ફકત જાદુ છે, જે નકલ કરવામાં આવી રહ્યું છે.

اِنۡ ہٰذَاۤ اِلَّا قَوۡلُ الۡبَشَرِ ﴿ؕ۲۵﴾

આ તો માનવીની જ વાત છે.

سَاُصۡلِیۡہِ سَقَرَ ﴿۲۶﴾

હું નજીકમાં તેને જહન્નમમાં નાખીશ.

وَ مَاۤ اَدۡرٰىکَ مَا سَقَرُ ﴿ؕ۲۷﴾

અને તમને શું ખબર કે જહન્નમ શું છે?

لَا تُبۡقِیۡ وَ لَا تَذَرُ ﴿ۚ۲۸﴾

ન તે બાકી રાખશે અને ન તો છોડશે.

لَوَّاحَۃٌ لِّلۡبَشَرِ ﴿ۚۖ۲۹﴾

ચામડીને બાળી નાખશે.

عَلَیۡہَا تِسۡعَۃَ عَشَرَ ﴿ؕ۳۰﴾

અને તેના પર ઓગણીસ (ફરિશ્તાઓ નક્કી) છે.

وَ مَا جَعَلۡنَاۤ اَصۡحٰبَ النَّارِ اِلَّا مَلٰٓئِکَۃً ۪ وَّ مَا جَعَلۡنَا عِدَّتَہُمۡ اِلَّا فِتۡنَۃً لِّلَّذِیۡنَ کَفَرُوۡا ۙ لِیَسۡتَیۡقِنَ الَّذِیۡنَ اُوۡتُوا الۡکِتٰبَ وَ یَزۡدَادَ الَّذِیۡنَ اٰمَنُوۡۤا اِیۡمَانًا وَّ لَا یَرۡتَابَ الَّذِیۡنَ اُوۡتُوا الۡکِتٰبَ وَ الۡمُؤۡمِنُوۡنَ ۙ وَ لِیَقُوۡلَ الَّذِیۡنَ فِیۡ قُلُوۡبِہِمۡ مَّرَضٌ وَّ الۡکٰفِرُوۡنَ مَاذَاۤ اَرَادَ اللّٰہُ بِہٰذَا مَثَلًا ؕ کَذٰلِکَ یُضِلُّ اللّٰہُ مَنۡ یَّشَآءُ وَ یَہۡدِیۡ مَنۡ یَّشَآءُ ؕ وَ مَا یَعۡلَمُ جُنُوۡدَ رَبِّکَ اِلَّا ہُوَ ؕ وَ مَا ہِیَ اِلَّا ذِکۡرٰی لِلۡبَشَرِ ﴿٪۳۱﴾

અમે જહન્નમની દેખરેખ રાખનાર ફકત ફરિશ્તાઓ રાખ્યા છે અને અમે તેમની સંખ્યાને કાફિરો માટે કસોટી બનાવી છે. જેથી અહલે કિતાબ યકીન કરવા લાગે કે ઇમાનવાળાઓના ઇમાનમાં વધારો થાય અને અહલે કિતાબ અને ઇમાનવાળા કોઈ શંકા ન કરે અને જેના હૃદયોમાં બિમારી છે તે અને ઇન્કારી કહે કે આ બયાનથી અલ્લાહ તઆલા શું ઇચ્છે છે? આવી જ રીતે અલ્લાહ તઆલા જેને ઇચ્છે છે, તેને ગુમરાહ કરી દે છે અને જેને ઇચ્છે, હિદાયત પર લાવી દે છે અને તમારા પાલનહારના લશ્કરને તેના સિવાય કોઇ નથી જાણતુ. આ (જહન્નમનું વર્ણન) ફક્ત એટલા માટે કે લોકો શિખામણ પ્રાપ્ત કરે.

کَلَّا وَ الۡقَمَرِ ﴿ۙ۳۲﴾

(પરંતુ આ લોકો ક્યારેય શિખામણ પ્રાપ્ત નહી કરે) ચંદ્રની કસમ.

وَ الَّیۡلِ اِذۡ اَدۡبَرَ ﴿ۙ۳۳﴾

અને રાતની, જ્યારે તે જવા લાગે.

وَ الصُّبۡحِ اِذَاۤ اَسۡفَرَ ﴿ۙ۳۴﴾

અને સવારની, જ્યારે તે પ્રકાશિત થઇ જાય.

اِنَّہَا لَاِحۡدَی الۡکُبَرِ ﴿ۙ۳۵﴾

કે (નિ:શંક તે જહન્નમ) મોટી વસ્તુઓમાંથી એક છે.

نَذِیۡرًا لِّلۡبَشَرِ ﴿ۙ۳۶﴾

તે માનવીઓ માટે ભયનું કારણ છે.

لِمَنۡ شَآءَ مِنۡکُمۡ اَنۡ یَّتَقَدَّمَ اَوۡ یَتَاَخَّرَ ﴿ؕ۳۷﴾

જે તમારા માંથી આગળ વધવા ઈચ્છે અથવા પાછળ રહેવા ઈચ્છે.

کُلُّ نَفۡسٍۭ بِمَا کَسَبَتۡ رَہِیۡنَۃٌ ﴿ۙ۳۸﴾

દરેક વ્યક્તિ પોતાના કાર્યોના બદલામાં ગિરવે છે.

اِلَّاۤ اَصۡحٰبَ الۡیَمِیۡنِ ﴿ؕۛ۳۹﴾

સિવાય જમણા હાથવાળા.

فِیۡ جَنّٰتٍ ۟ؕۛ یَتَسَآءَلُوۡنَ ﴿ۙ۴۰﴾

કે તેઓ જન્નતોમાં હશે, તેઓ પૂછી રહ્યા હશે.

عَنِ الۡمُجۡرِمِیۡنَ ﴿ۙ۴۱﴾

ગુનેગાર વિશે

مَا سَلَکَکُمۡ فِیۡ سَقَرَ ﴿۴۲﴾

તમને જહન્નમમાં કઇ વસ્તુ લઈને આવી.

قَالُوۡا لَمۡ نَکُ مِنَ الۡمُصَلِّیۡنَ ﴿ۙ۴۳﴾

તેઓ જવાબ આપશે કે અમે નમાઝ નહતા પઢતા.

وَ لَمۡ نَکُ نُطۡعِمُ الۡمِسۡکِیۡنَ ﴿ۙ۴۴﴾

ન તો લાચારોને ખાવાનુ ખવડાવતા હતા.

وَ کُنَّا نَخُوۡضُ مَعَ الۡخَآئِضِیۡنَ ﴿ۙ۴۵﴾

અને અમે વાદવિવાદ કરનારની સાથે વ્યસ્ત રહેતા હતાં.

وَ کُنَّا نُکَذِّبُ بِیَوۡمِ الدِّیۡنِ ﴿ۙ۴۶﴾

અને બદલાના દિવસને જૂઠલાવતા હતા.

حَتّٰۤی اَتٰىنَا الۡیَقِیۡنُ ﴿ؕ۴۷﴾

અહીં સુધી કે અમને મોત આવી ગઈ.

فَمَا تَنۡفَعُہُمۡ شَفَاعَۃُ الشّٰفِعِیۡنَ ﴿ؕ۴۸﴾

(તે સમયે) ભલામણ કરનારાઓની ભલામણ તેમને કઈ ફાયદો નહીં પહોંચાડી શકે.

فَمَا لَہُمۡ عَنِ التَّذۡکِرَۃِ مُعۡرِضِیۡنَ ﴿ۙ۴۹﴾

તેમને શું થઇ ગયું છે? કે શિખામણથી મોઢું ફેરવી રહ્યા છે.

کَاَنَّہُمۡ حُمُرٌ مُّسۡتَنۡفِرَۃٌ ﴿ۙ۵۰﴾

જાણે કે તેઓ જંગલી ગધેડા હોય.

فَرَّتۡ مِنۡ قَسۡوَرَۃٍ ﴿ؕ۵۱﴾

જે સિંહથી ડરીને ભાગ્યા હોય.

بَلۡ یُرِیۡدُ کُلُّ امۡرِیًٔ مِّنۡہُمۡ اَنۡ یُّؤۡتٰی صُحُفًا مُّنَشَّرَۃً ﴿ۙ۵۲﴾

પરંતુ તેમના માંથી દરેક વ્યક્તિ ઇચ્છે છે કે તેને સ્પષ્ટ કિતાબ આપવામાં આવે.

کَلَّا ؕ بَلۡ لَّا یَخَافُوۡنَ الۡاٰخِرَۃَ ﴿ؕ۵۳﴾

ક્યારેય નહિ, સાચી વાત એ કે આ લોકો આખિરતથી નથી ડરતા.

کَلَّاۤ اِنَّہٗ تَذۡکِرَۃٌ ﴿ۚ۵۴﴾

સત્ય વાત તો એ છે કે આ (કુરઆન) એક શિખામણ છે.

فَمَنۡ شَآءَ ذَکَرَہٗ ﴿ؕ۵۵﴾

હવે જે ઇચ્છે, તે શિખામણ પ્રાપ્ત કરે.

وَ مَا یَذۡکُرُوۡنَ اِلَّاۤ اَنۡ یَّشَآءَ اللّٰہُ ؕ ہُوَ اَہۡلُ التَّقۡوٰی وَ اَہۡلُ الۡمَغۡفِرَۃِ ﴿٪۵۶﴾

અને તેઓ શિખામણ પ્રાપ્ત નહીં કરે પરંતુ એ કે અલ્લાહ તઆલા ઇચ્છે, તે (અલ્લાહ) જ આનો હકદાર છે કે તેનાથી ડરવામાં આવે, અને તે જ માફ કરવાવાળો છે.